काठमाडौं । आज वि.सं. २०८३ साल असोज १८ गते आइतबार। अंग्रेजी पात्रोअनुसार आज सन् २०२६ अक्टोबर ४ हो। आज असोज कृष्णपक्षको अष्टमी तिथि बिहान ७ बजेर २९ मिनेटसम्म रहनेछ भने त्यसपछि नवमी तिथि सुरु हुनेछ। आज नवमी श्राद्ध, जितिया पर्व तथा विश्व पशु दिवस पनि मनाइँदैछ। पञ्चाङ्गअनुसार आज नक्षत्र पुनर्वसु र चन्द्रमा मिथुन राशिमा रहनेछ।
आजको दिन केही राशिका लागि नयाँ अवसर र आर्थिक लाभको सम्भावना देखिन्छ भने केही राशिले खर्च र निर्णयमा विशेष सावधानी अपनाउनुपर्ने देखिन्छ।
मेष
आजको दिन तपाईंका लागि सकारात्मक रहनेछ। काममा सहयोगीको साथ मिल्नेछ भने रोकिएका काम अघि बढ्ने सम्भावना छ। व्यापार तथा लगानीका क्षेत्रमा नयाँ अवसर प्राप्त हुन सक्छ। परिवारबाट आवश्यक सहयोग मिल्नेछ। अध्ययन तथा सिर्जनात्मक काममा पनि राम्रो प्रगति हुनेछ।
वृष
आर्थिक पक्षमा सुधार आउने संकेत छ। अघिल्लो समय रोकिएको रकम प्राप्त हुन सक्छ। काममा तपाईंको मेहनतको मूल्याङ्कन हुनेछ। स्वास्थ्यमा सुधारको अनुभूति हुन सक्छ। परिवारका सदस्यसँगको सम्बन्ध अझ आत्मीय बन्नेछ। प्रेम सम्बन्धमा पनि सकारात्मक वातावरण रहनेछ।
मिथुन
आजको दिन सामान्य रहनेछ। धार्मिक तथा आध्यात्मिक गतिविधिमा सहभागी हुँदा मनमा शान्ति मिल्नेछ। नजिकका व्यक्तिबाट केही निराशा हुनसक्ने भएकाले आर्थिक तथा व्यक्तिगत विषयमा सजग रहनुहोला। दाजुभाइ वा सहकर्मीसँगको सहकार्यबाट काममा लाभ मिल्न सक्छ।
कर्कट
आज आर्थिक लाभको सम्भावना बलियो छ। कार्यक्षेत्रमा तपाईंको भूमिका महत्त्वपूर्ण बन्न सक्छ। विरोध वा प्रतिस्पर्धा गर्ने व्यक्तिबाट समेत अप्रत्यक्ष सहयोग मिल्ने सम्भावना छ। पारिवारिक वातावरण सकारात्मक रहनेछ। स्वास्थ्यसम्बन्धी पुराना समस्या कम हुँदै जाने संकेत छ।
सिंह
काममा नयाँ जिम्मेवारी आउन सक्छ। आफ्नो क्षमता देखाउने अवसर प्राप्त हुनेछ। सामाजिक तथा व्यावसायिक क्षेत्रमा प्रभाव बढ्नेछ। आर्थिक कारोबार गर्दा हतारमा निर्णय नगर्नु राम्रो हुनेछ। परिवारका सदस्यबाट साथ र सम्मान मिल्नेछ।
कन्या
आज योजनाबद्ध रूपमा काम गर्दा राम्रो परिणाम प्राप्त हुनेछ। कार्यालय तथा व्यवसायमा आफ्नो क्षमता प्रदर्शन गर्ने अवसर मिल्नेछ। पुराना काम पूरा गर्न अनुकूल समय छ। विद्यार्थीका लागि अध्ययनमा एकाग्रता बढ्नेछ। परिवार तथा धार्मिक कार्यमा सहभागी हुँदा मानसिक सन्तुष्टि मिल्नेछ।
तुला
नयाँ योजना बनाउन तथा पुराना सम्बन्धलाई उपयोगी ढङ्गले अघि बढाउन आजको दिन राम्रो देखिन्छ। पुराना साथी तथा सहकर्मीबाट सहयोग मिल्नेछ। सामाजिक क्षेत्रमा काम गर्ने अवसर आउन सक्छ। स्वास्थ्य र शिक्षासम्बन्धी प्रयासमा सफलता मिल्नेछ। परिवारको साथ रहनेछ।
वृश्चिक
आज खर्च बढ्न सक्छ। अनावश्यक यात्राबाट बच्नु राम्रो हुनेछ। सोचेअनुसार काम नबन्ने अवस्था आउन सक्ने भएकाले धैर्य आवश्यक छ। आर्थिक कारोबारमा विशेष सावधानी अपनाउनुहोला। धार्मिक गतिविधिमा सहभागी हुँदा मनमा शान्ति मिल्नेछ।
धनु
नयाँ अवसरले तपाईंलाई उत्साहित बनाउन सक्छ। व्यापार तथा व्यवसाय विस्तारका लागि योजना बनाउन अनुकूल समय छ। अध्ययन तथा ज्ञानवृद्धिका क्षेत्रमा सफलता मिल्नेछ। टाढा रहेका आफन्त वा साथीभाइसँग सम्पर्क हुन सक्छ। गुरुजन तथा ज्येष्ठ व्यक्तिको सल्लाह उपयोगी बन्नेछ।
मकर
कामको बोझ बढे पनि मेहनतअनुसार परिणाम प्राप्त हुने सम्भावना छ। आर्थिक कारोबारमा सोचविचार गरेर अघि बढ्नुहोला। पुराना समस्या समाधान गर्न परिवारको सहयोग मिल्नेछ। नयाँ जिम्मेवारी पाउने सम्भावना पनि देखिन्छ। स्वास्थ्यमा सामान्य सुधार आउनेछ।
कुम्भ
आज सामाजिक तथा व्यावसायिक क्षेत्रमा नयाँ सम्पर्क बन्न सक्छ। सहकार्यबाट लाभ लिन सकिनेछ। आर्थिक रूपमा दिन उत्साहजनक रहनेछ तर अनावश्यक खर्च नियन्त्रण गर्नु राम्रो हुनेछ। प्रेम तथा पारिवारिक सम्बन्धमा समझदारी बढ्नेछ।
मीन
आज केही महत्त्वपूर्ण निर्णय लिनुपर्ने हुन सक्छ। काममा धैर्य र संयम अपनाउँदा सफलता मिल्नेछ। आर्थिक क्षेत्रमा सुधारको संकेत देखिए पनि जोखिमपूर्ण लगानीबाट बच्नुहोला। परिवारका ज्येष्ठ सदस्यको सल्लाह उपयोगी बन्नेछ। धार्मिक तथा सामाजिक काममा सहभागी हुँदा सकारात्मक ऊर्जा प्राप्त हुनेछ।