काठमाडौं । कप्तान ह्यारी केनको दुई गोलको प्रेरणामा इङ्गल्यान्डले फिफा विश्वकपमा विजयी सुरुआत गरेको छ। गएराति सम्पन्न रोमाञ्चक खेलमा इङ्गल्यान्डले क्रोएसियालाई ४–२ गोल अन्तरले पराजित गर्दै प्रतियोगितामा आफ्नो उपस्थितिलाई बलियो बनाएको हो।
इङ्गल्यान्डको जितमा केनले दुई गोल गर्दा ले एक–एक गोल थपे। क्रोएसियाका लागि जुड बेलिङ्घम र मार्कस रासफोर्डले गोल गरे पनि टोलीलाई हारबाट जोगाउन सकेनन्। खेलको १२औँ मिनेटमा इङ्गल्यान्डले पेनाल्टीको अवसर पायो। नोनी माडुएकेमाथि फउल भएपछि प्राप्त पेनाल्टीमा केनको पहिलो प्रहार गोलकिपरले रोकेका थिए। तर नियम उल्लङ्घन भएको ठहर गर्दै रेफ्रीले पेनाल्टी पुनः गराउन आदेश दिए। दोस्रो अवसरमा केनले सहजै गोल गर्दै टोलीलाई अग्रता दिलाए। क्रोएसियाले ३६औँ मिनेटमा बातुरिनाको आकर्षक प्रहारमार्फत बराबरी फर्कायो। तर पहिलो हाफ सकिनुअघि केनले हेडमार्फत अर्को गोल गर्दै इङ्गल्यान्डलाई पुनः अग्रता दिलाए। त्यसपछि इन्जुरी समयमा मुसाले गोल गरेपछि पहिलो हाफ २–२ को बराबरीमा टुंगियो।
दोस्रो हाफ सुरु भएको केही क्षणमै बेलिङ्घमले उत्कृष्ट व्यक्तिगत प्रदर्शनसहित गोल गर्दै इङ्गल्यान्डलाई ३–२ को अवस्थामा पुर्याए। त्यसपछि खेलमा नियन्त्रण कायम राखेको इङ्गल्यान्डका लागि अन्त्यतिर मैदान प्रवेश गरेका रासफोर्डले अर्को गोल थप्दै जित सुनिश्चित गरे। नयाँ प्रशिक्षक थोमस टुचेलको नेतृत्वमा आक्रामक शैली प्रस्तुत गरेको इङ्गल्यान्डले लगातार तेस्रो विश्वकपमा विजयी सुरुआत गर्ने उपलब्धिसमेत हासिल गरेको छ। साथै, केनले विश्वकपमा इङ्गल्यान्डका लागि सर्वाधिक १० गोल गर्ने कीर्तिमान बराबरी गर्दै अर्को ऐतिहासिक उपलब्धि पनि आफ्नो नाममा लेखाएका छन्।