सेयर बजारमा दोहोरो अंकको गिरावट, नेप्से २६५७ अंकमा झर्‍यो

काठमाडौं । साताको पहिलो कारोबार दिन सोमबार सेयर बजारमा उल्लेख्य गिरावट देखिएको छ।

दिनभरजसो दबाबमा रहेको बजार परिसूचक नेप्से ३२.६५ अंकले घट्दै २ हजार ६५७ अंकमा झरेको हो। अघिल्लो कारोबार दिन ५ अंक मात्रै घटेको नेप्सेमा सोमबार भने गिरावट थप चुलिएको छ। बजार घटेसँगै कारोबार रकममा समेत कमी आएको छ। अघिल्लो दिन ८ अर्ब ८९ करोड रुपैयाँ बराबरको कारोबार भएकोमा सोमबार ७ अर्ब १८ करोड रुपैयाँमा सीमित भएको छ।

आज कारोबार भएका कम्पनीमध्ये २१ वटाको सेयर मूल्य बढ्दा २५२ कम्पनीको मूल्य घटेको छ भने ६ कम्पनीको मूल्यमा कुनै परिवर्तन आएन। बजारका सबै समूहगत सूचक राताम्मे बनेका छन्। समूहगत रूपमा विकास बैंक उपसमूह सबैभन्दा धेरै १.८८ प्रतिशतले घटेको छ। यस्तै, निर्जीवन बीमा १.७२, अन्य १.६१, फाइनान्स १.५३ र जीवन बीमा १.४७ प्रतिशतले ओरालो लागेका छन्। बैंकिङ, जलविद्युत्, लगानी, उत्पादन तथा प्रशोधन, माइक्रोफाइनान्स, होटल तथा पर्यटन र व्यापार समूहमा पनि गिरावट देखिएको छ।

समग्र बजार घटे पनि बेनी हाइड्रोपावरको सेयर मूल्य भने १५ प्रतिशतले बढेको छ। मकर जितुमाया सुरी हाइड्रोपावर ८.७७ प्रतिशत र मन्दाकिनी हाइड्रोपावर ५.४७ प्रतिशतले बढेका छन्। यता झापा इनर्जीको सेयर मूल्य सबैभन्दा धेरै घट्ने कम्पनीमध्ये परेको छ। यसको मूल्य ४.११ प्रतिशतले घटेको छ। सांग्रिला डेभलपमेन्ट बैंक र एनएलजी इन्स्योरेन्सको मूल्यमा पनि गिरावट आएको छ। सोमबार घलेम्दी हाइड्रोपावर, ग्लोबल आईएमई बैंक, कुमारी बैंक, लुम्बिनी विकास बैंकलगायत कम्पनीको सेयरमा सबैभन्दा धेरै कारोबार भएको छ। समग्रमा बजारका अधिकांश कम्पनीको मूल्य घट्दा साताको पहिलो कारोबार दिन नै लगानीकर्ताले दबाब महसुस गरेका छन्।

Back To Top
Modern Footer Design