काठमाडौं । आज वि.सं. २०८३ भदौ १२ गते शुक्रबार, अर्थात् २८ अगस्ट २०२६। आज श्रावण शुक्ल पूर्णिमा तिथि रहेको छ। बिहान ९ः१६ बजेपछि प्रतिपदा सुरु हुनेछ। आज जनैपूर्णिमा, रक्षाबन्धन, क्वाति खाने दिन तथा ऋषितर्पणी समेत मनाइँदैछ। चन्द्रमा कुम्भ राशिमा रहेको छ।
मेष
आज सामाजिक प्रतिष्ठा बढ्ने र आर्थिक लाभ हुने योग छ। समूहगत काममा सफलता मिल्नेछ। साथीभाइसँगको सम्बन्ध राम्रो बन्नुका साथै दीर्घकालीन योजनाले गति लिनेछ।
वृष
कार्य क्षेत्रमा जिम्मेवारी बढ्नेछ। वरिष्ठ व्यक्तिको सहयोग र समर्थन प्राप्त हुन सक्छ। आफ्ना योजना तथा विचारले मान्यता पाउने सम्भावना छ। व्यवहारमा संयम अपनाउनु राम्रो हुनेछ।
मिथुन
अध्ययन, अध्यात्म तथा नयाँ विषयप्रति रुचि बढ्नेछ। यात्रा गर्ने अवसर मिल्न सक्छ। गुरुजन तथा अनुभवी व्यक्तिको सुझावले महत्वपूर्ण काममा सहयोग पुग्नेछ।
कर्कट
मानसिक दबाब बढ्न सक्ने भएकाले आराम र आत्मसंयम आवश्यक छ। आर्थिक तथा पारिवारिक विषयमा सोचविचार गरेर निर्णय लिनु राम्रो हुनेछ। अनावश्यक तनावबाट टाढा रहनुहोस्।
सिंह
सम्बन्ध तथा साझेदारीका विषयमा स्पष्ट संवाद आवश्यक पर्नेछ। आपसी समझदारी कायम राख्न सके समस्या समाधान हुनेछन्। साझा योजनामा प्रगति हुने संकेत छ।
कन्या
प्रतिस्पर्धात्मक क्षेत्रमा सफलता प्राप्त हुन सक्छ। काम र स्वास्थ्य दुवैमा ध्यान दिनुपर्ने दिन छ। तयारी पूरा गरेर अघि बढ्दा राम्रो परिणाम हात पर्नेछ।
तुला
प्रेम, अध्ययन तथा सिर्जनात्मक काममा रुचि बढ्नेछ। भावनात्मक विषयमा निर्णय गर्दा हतार नगर्नु राम्रो हुनेछ। अनुसन्धान तथा अध्ययनका लागि दिन अनुकूल देखिन्छ।
वृश्चिक
घरपरिवारसँग सम्बन्धित विषयले केही चिन्ता दिन सक्छ। अभिभावक तथा पारिवारिक जिम्मेवारी बढ्न सक्छ। धैर्य र समझदारीका साथ समस्या समाधान गर्नु लाभदायक हुनेछ।
धनु
लेखन, सञ्चार तथा यात्रासम्बन्धी काममा प्रगति हुनेछ। नयाँ सूचना तथा सन्देशबाट फाइदा मिल्न सक्छ। नजिकका व्यक्तिसँगको सम्बन्धमा स्पष्टता कायम राख्नुहोस्।
मकर
पारिवारिक वातावरण सुखद बन्नेछ। आर्थिक स्थायित्वका लागि सोचविचार गरेर अघि बढ्नु राम्रो हुनेछ। बोलीमा मिठास राख्दा सम्बन्ध अझ बलियो बन्नेछ।
कुम्भ
आत्मविश्वास र प्रभावशाली क्षमता बढ्नेछ। नयाँ काम तथा योजनाप्रति उत्साह जाग्नेछ। तर धेरै सोच्ने बानीले मानसिक अस्थिरता ल्याउन सक्ने भएकाले सकारात्मक सोच राख्नुहोस्।
मीन
मनमा केही छटपटी वा अन्योल हुन सक्छ। खर्चमा नियन्त्रण आवश्यक देखिन्छ। आराम, आत्मचिन्तन र योजनाबद्ध कामले दिनलाई सहज बनाउनेछ।