मेक्सिको। फिफा विश्वकप २०२६ अन्तर्गत समूह ‘ए’को अन्तिम खेलमा मेक्सिकोले चेक गणतन्त्रमाथि प्रभावशाली जित दर्ता गर्दै नकआउट चरणमा स्थान सुरक्षित गरेको छ।
मेक्सिको सिटी स्टेडियममा सम्पन्न खेलमा मेक्सिकोले चेक गणतन्त्रलाई ३–० ले पराजित गर्दै अन्तिम १६ को यात्रा तय गरेको हो। पहिलो हाफ गोलरहित बराबरीमा सकिएको खेलमा मेक्सिकोले दोस्रो हाफमा उत्कृष्ट प्रदर्शन गर्यो। खेलको ५५औं मिनेटमा मातेओ चाभेजले गोल गर्दै टोलीलाई अग्रता दिलाए।
त्यसको छ मिनेटपछि जुलियन किन्योनेसले अर्को गोल थप्दै मेक्सिकोको पकड बलियो बनाए। इन्जुरी समयको अन्तिम क्षणमा अल्भारो फिडाल्गोले गोल गरेपछि मेक्सिकोले ३–० को सहज जित सुनिश्चित गर्यो। यस जितसँगै मेक्सिको समूह चरण पार गर्दै नकआउट चरणमा प्रवेश गर्न सफल भएको छ भने चेक गणतन्त्रको यात्रा समूह चरणमै टुंगिएको छ।